Hafðu samband við söluaðila
Húsin í borginni
Klapparstígur 5
101 Reykjavík
Sími: 511 5005
Almennt

Fjölbýlishúsið Boðaþing 2 - 4 er staðsett í Kóparvogi í Þingahverfi. Húsið er 5 hæða lyftuhús sem skiptist í 2 stigaganga, hvor um sig með 14 íbúðum. Í kjallara hússins er sameiginleg bílageymsla með bílastæðum fyrir 32 bifreiðar. Það fylgir eitt stæði í bílageymslu hverri íbúð en „penthouse“ íbúðum fylgja tvö stæði. Rúmgóðar geymslur fyrir íbúðir eru að auki í kjallara ásamt sameiginlegum hjóla- og vagnageymslum. Innihurðir í andyri fjölbýlisins er með rafmagnsopnun. Húsið er byggt skv. teikningum frá teiknistofu Kristins Ragnarssonar.

Frágangur utanhúss
Burðarvirki fjölbýlis er steinsteypt með hefðbundnum hætti og eru útveggir einangraðir að innan. Fjölbýlið er hvítt steinað að utan en 5. hæðin er máluð, aðrir steyptir fletir eru múrfiltaðir. Gluggar eru úr timbri og klæddir álprófílum en gluggar í kjallara eru málaðir. Handriði á svölum eru úr galvaníseruðum stálprófílum sem klæddir eru með  lituðum álplötum en á 5. hæð er gler handriði.

Lóð fjölbýlis er fullfrágengin með gróðri og leiktækjum. Sér afnotaréttur fylgir íbúðum á 1. hæð með hellulagðri verönd og timburskjólvegg. Að framanverðu fjölbýli er upphituð hellulögn, einnig er aðkeyrsla að bílageymslu upphituð.

Sameign
Sameign er fullfrágengin með mynddyrasíma í aðalanddyri, teppalögð gólf eru í stigahúsi og flísalögn á anddyrisgólfum. Hurð að bílageymslu er með fjarstýrðri opnun, innangengt er úr bílageymslu í stigahús og lyftur. Í kjallara eru sér geymslur fyrir íbúðir og sameiginleg hjólageymsla. Hurð í aðalanddyri er með rafdrifinni opnun. Brunaviðvörunarkerfi í sameign eru tengd Öryggismiðstöðinni.

 

 

Söluaðili:  Húsin í borginni - Klapparstígur 5 - Sími: 511 5005