Hafðu samband við söluaðila
Húsin í borginni
Klapparstígur 5
101 Reykjavík
Sími: 511 5005
Íbúðirnar

Allar íbúðir skilast fullbúnar með plankaparketi á gólfum, fyrir utan eldhús, þvottahús, forstofu og baðherbergi sem eru flísalögð. Innveggir íbúða eru allir hlaðnir, sprautuspartlaðir og málaðir, loft íbúða eru einnig sprautuspörtluð og máluð. Í forstofu íbúða er stór fataskápur og er forstofuhurð með gleri. Allar innréttingar eru úr hvíttaðri eik og fataskápar úr spónlagðri eik frá Innx.

Eldhús
Eldhús eru opin og rúmgóð með stórum og vönduðum innréttingum. Í eldhúsum er keramik helluborði með fjórum hellum, blástursofni og gufugleypi með kolasíu, einnig fylgir uppþvottarvél með öllum íbúðum. Öll eldhústæki eru að gerðinni AEG frá Bræðrunum Ormsson og eru öll tæki úr burstuðu stáli. Innréttingar eru úr hvíttaðri eik frá Innx, efri skápar ná upp í loft. Allar hurðir og skúffur í innréttingum eru með mjúklokun, borðplötur eru plastlagðar. Flísalagt er á milli efri og neðri skápa og lýsing undir efri skápum. Eldhúsgólf eru flísalögð með dökkum flísum 300x600mm.

Baðherbergi
Veggir á baðherbergjum eru flísalagðir upp fyrir hurðarhæð og eru flísarnar hvítar. Rúmgóðar og vandaðar innréttingar úr hvíttaðri eik eru á öllum baðherbergjum ásamt stórum spegli með innbyggðri lýsingu frá Innx. Hvert baðherbergi er með vegghengdu salerni, handlaug, baðkari, sturtu og handklæðaofni. Gólf baðherbergja eru flíslögð með 300x600mm dökkum flísum sem ganga upp á einn vegg baðherbergis. Sturtuklefar eru bogadregnir, með 900x900mm botn. Blöndunartæki í sturtu eru hitastýrð með sturtuhaus og handúðara, einnig eru hitastýrð blöndunartæki með handúðara sem fylgja baðkari.

Þvottahús
Gólf þvottahúsa eru flísalögð með dökkum flísum 300x600mm. Í þvottahúsum er vaskaskápur úr hvíttaðri eik með vaski og blöndunartækjum ásamt borðplötu.

Svefnherbergi
Hjónaherbergi og eitt barnaherbergi eru með stórum fataskápum með hillum, skúfum og fataslám. Allir fataskápar eru úr spónlagðri eik og ná alveg upp í loft. „penthouse‟ íbúðir nr. 502 og 503 eru með fataherbergjum. Fataskápar koma frá Innx.

Forstofa
Forstofa er með stórum fataskáp úr spónlagðri eik frá Innx og leðurklæddum kolli í öllum fjögurra herbergja íbúðum. Gólf í forstofum eru flísalögð ásamt því að hurð í forstofu er með gleri.

 

 

Söluaðili:  Húsin í borginni - Klapparstígur 5 - Sími: 511 5005